Шинэ мэдээ

Сэвлэг үргээх болон үс засуулахад тохиромжгүй12 минут 58 секундын өмнөЦэцэрлэгийн бүртгэл эхэллээ17 минут 10 секундын өмнөМаргааш НӨАТ-ын сугалааны 50 саяын азтан тодорно7 сар 20. 14:03"ИХ ХУРД 8": Уяачийг “Land cruiser”, уралдаанч хүүг нэг өрөө байраар шагнана7 сар 20. 14:00Монгол туургатны морьтны өв, соёлын "Их хурд-8" наадам эхэллээ7 сар 20. 10:57Түрээсийн орон сууц 68.59 мкв, 49.23 мкв, 39.30 мкв гэсэн гурван төрлийн сонголттой байна7 сар 19. 16:41СЭРЭМЖЛҮҮЛЭГ: Дөрвөн хүн амь насаа алдсан ноцтой осол гарлаа7 сар 19. 14:45ТАНИЛЦ:Цахим дуудлага худалдаагаар худалдах газруудын байршил7 сар 19. 11:41Улаанбаатарт бороотой, 20 хэм дулаан7 сар 19. 11:31Өнөө, маргаашдаа дуу цахилгаантай, усархаг бороо үргэлжлэн орно7 сар 19. 11:21Өнөөдөр гурван дүүрэгт цахилгаан хязгаарлана7 сар 19. 11:12Түрээсийн орон сууцны шинэ журмыг танилцуулж байна7 сар 17. 15:16Үер усны аюулаас сэрэмжлүүлж байна7 сар 17. 12:02"Улс оронд ШИНЭ ГАРАА, ШИНЭ ЭХЛЭЛ даруй хэрэгтэй байна"7 сар 17. 10:52Цэцэг төвийн уулзварын авто замын хөдөлгөөнийг энэ сарын 16-18-нд түр хаана7 сар 17. 10:45Үс засуулбал өвчин ирнэ7 сар 17. 10:44Улаанбаатарт 30 хэм дулаан байна7 сар 17. 10:42Сэтгэц нөлөөт эмийг хуурамч жороор олгож байжээ7 сар 16. 17:20Ерөнхийлөгч:УИХ-ын гишүүдийн тоог 108 болгох саналыг хүргүүлжээ7 сар 16. 13:57Баяр наадмын өдрүүдээр 14 хүн усанд осолдож нас баржээ7 сар 16. 13:37

Ажлын хэсэг Хөгжлийн банкыг мөнгө угаасан эсэхийг шалгаж тогтооно

/1-р сарын 7/  -  10 цаг 13 минут
Цагаан сараар хамгийн гоё дээл өмсч сайдтайгаа золгосон эрхмийг 3.5 сая төгрөгөөр урамшуулдаг, гадаадад нэг өдөр айлчлахдаа хамгийн тансаг болгоныг хэрэглэж, төсвийн мөнгө үрэн таран хийсэн, 7 ширхэг оёдлын машинд 2 тэрбум гаруй төгрөгийн санхүүжилт хийсэн гээд 30 гаруй зөрчил, "но" илэрсэн Хөгжлийн банкны удирдлагуудыг АТГ-т шалгаж буй. Мөн Эдийн засгийн хөгжлийн сайд асан Н.Батбаярыг ч шалгаж эхэлсэн. Түүнийг  “Чингис”, “Самурай” бондын олголт, зарцуулалттай холбогдуулан албаны эрх мэдлээ хэтрүүлсэн, төсвийн хөрөнгийг үрэгдүүлсэн гэх үндэслэлээр шалгаж эхэлсэн. Улмаар Н.Батбаяр болон Хөгжлийн банкны экс удирдлагуудын хэргийг нэгтгэн Эрүүгийн хуулийн тусгай ангийн 263 дугаар зүйлийн 263.2, 264 дүгээр зүйлийн 264.2, 150 дугаар зүйлийн 150.3-т зааснаар хэрэг үүсгэн шалгаж байгаа юм. 
 
Тэгвэл шалгалтын ажлыг эрчимжүүлэх үүднээс Улсын Ерөнхий прокурор тушаал гарган АТГ, ЭЦГ, ЦЕГ-ын мөрдөн байцаагчдаар бүрдүүлсэн ажлын хэсэг гаргах шийдвэр гаргасан. 
 
Харин саяхан томилогдоод буй ЦЕГ-ын газрын дарга, тэргүүн комиссор Ө.Энхтөр анхныхаа тушаалыг гаргаж, хэргийг шалгах ажлыг хэсэгт багтаад буй ЦЕГ-ын бүрэлдэхүүнд ЭЦГ-ын Эдийн засгийн гэмт хэрэгтэй тэмцэх хэлтэс, Зохион байгуулалттай гэмт хэрэгтэй тэмцэх хэлтэс, Мөрдөн байцаах газар, орон нутгийн цагдаагийн газар хэлтсийнхнийг нэмж оруулжээ.  Тэд Хөгжлийн банкаас санхүүжүүлсэн ажлуудыг шалгаж, санхүүгийн гүйлгээнүүд нь хуульд нийцсэн эсэх, мөнгө угаасан үйлдэл байгаа эсэхийг тогтооход АТГ-ынханд дэмжлэг үзүүлэх юм байна.
 
Уг хэрэгт холбогдсон Эдийн засгийн хөгжлийн сайд асан Н.Батбаяр, тус яамны Төрийн нарийн бичгийн даргаар ажиллаж байсан Б.Шинэбаатар, Хөгжлийн банкны гүйцэтгэх захирал асан Н.Мөнхбат тэргүүтэй хүмүүс нь албан тушаалаа урвуулан Засгийн газрын тогтоолд өөрчлөлт оруулаад, бондын хөрөнгөөс онц их хэмжээгээр завшсан нь АТГ-ын шалгалтын явцад ил болоод байгаа юм. Тодруулбал, Хөгжлийн банкнаас санхүүжүүлэх төсөл, арга хэмжээг УИХ жил бүр хаврын чуулганаар батлах хуультай ч энэ заалтыг 2012 оноос хойш огт мөрдөөгүй. Засгийн газар УИХ-ын бүрэн эрхэд халдаж, УИХ-аас батлаагүй, хэлэлцээгүй төслийг санхүүжүүлж байсан нь тодорхой болсон юм. Тухайлбал, Яармаг дахь орон сууцны хороололд санхүүжилт олгохдоо Засгийн газрын тогтоол гаргалгүй, УИХ-аар батлуулалгүй Хөгжлийн банкнаас гаргасан нь тодорхой болсон байдаг. 
 
Б.Чимэг 


АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

1 сэтгэгдэлСэтгэгдэл бичих

 Утас: 90558369, И-Мэйл: royalinfo@gmail.com

© 2018. All Rights Reserved. Вэб сайтыг DsSoft LLC