Шинэ мэдээ

Улсын онцгой комиссоос өндөржүүлсэн бэлэн байдлыг ирэх сарыг дуустал сунгах санал гаргалаа5 сар 25. 11:54Өнөөдөр УОК хуралдаж, хөл хориог сунгах эсэхийг шийднэ5 сар 25. 9:15Өнөөдөр болох үйл явдлууд5 сар 25. 9:14Дохионы хэлмэрч С.Бямбадэлгэрийг “Алтан нар” одонгоор шагналаа5 сар 8. 11:52Зурхай:5 сар 8. 9:12Тавдугаар сарын 8-нд болох үйл явдлын тойм5 сар 8. 9:11Өдөртөө 13-15 хэм дулаан байна5 сар 8. 9:10М.Энхсайханыг 4,6 жил хорих ял оноолоо5 сар 7. 17:47У.Хүрэлсүх: Монгол Улсын Засгийн газар хүүхэд, өндөр настан, хөгжлийн бэрхшээлтэй иргэн, өрх толгойлсон эх, эцэгт ямагт нэн тэргүүнд анхаарал халамжаа хандуулна5 сар 6. 16:28Машинаа ачуулчихсан тохиолдолд цахимаар олох боломжтой боллоо5 сар 6. 12:03Дадлага сургуулийн нээлтийн ажиллагаа боллоо5 сар 6. 9:55Засгийн газар сургалтын төвүүдийг нээх шийдвэр гаргалаа5 сар 6. 9:54Өнөөдөр болох үйл явдлууд5 сар 6. 9:53Улсын дугаар нь 5, 0-ээр төгссөн тээврийн хэрэгсэл эзэмшигчид энэ сард татвараа төлнө5 сар 4. 9:34ОХУ-д нэг өдөрт илэрсэн коронавирусийн халдварын тохиолдол 10,000-ыг давлаа5 сар 4. 9:32Теле хичээлийн энэ долоо хоногийн ХУВААРЬ5 сар 4. 9:29Спорт заалны үйл ажиллагааг цагийн зохицуулалттайгаар нээхээр боллоо5 сар 1. 12:27Маргаашнаас эхлэн 24 байршилд нөөцийн махны өргөтгөсөн худалдаа зохион байгуулна5 сар 1. 12:26ХӨСҮТ-д коронавирусний сэжигтэй таван тохиолдлыг тусгаарлажээ5 сар 1. 12:25Ой, хээрт ил задгай гал түлэхгүй байхыг анхааруулж байна5 сар 1. 12:19

Амьдралын түүх: "Ажил хийж чадахгүй бол зайл нохойн гөлөг минь

/1-р сарын 12/  -  14 цаг 20 минут

Өнгөрсөн жил 20-н жилийнхээ ойн аяллын зургийг оруултал надаас нэг хүн "бүтэн жилжингээ ажил хийхгүй ямар мөнгөөрөө ингэж их аялдаг байна" гэж асуусан байсан. Сайхан асуулт байлаа. Тэр асуултыг асуусан хүнд их баярлалаа. Монгол хүн ам нээвэл уушиг нээ гэдэг сайхан үг байдаг даа. Өөрийнхөө амьдралыг залуу үеийнхэндээ зориулаад нэг сайхан хүүрнэмээр санагдлаа. 

Нэг ёсондоо 20-н жилийн ойн аялалдаа зориулж хуримтлуулсан мөнгөтэй хайрцгаа задалж үзүүлье. Тэр хайрцаг дотроос маань юу юу гарч ирэхийг таалан соёрхоцгооно уу

20-н жилийн ойн аялал маань хүн бүхэн атаархам сайхан байгаа хэдий ч 20-н жилийн өмнөх амьдрал маань хүн атаархах нь битгий хэл одоо зарим хүн тэгж амьдрахаас айхаар амьдралаар эхэлсэн юм ................

Юуны түрүүнд тэр үед охиныг маань өсгөж өгсөн ах эгч хоёртой баярлалаа гэж хэлье.
Энэ үед эхнэр маань 20-н настай байсан юм. Бид хоёр хэлд хөлд ороогүй байсан 8-н сартай охиноо манай ах дээр орхиод Солонгост хамт хараар 5-н жил ажиллаж байсан үеийн бичлэг. Уг нь нярай охиндоо өгөх юугаар ч орлуулшгүй эхийн сүүгээ энэ амьдралыг босгохын тулд эхнэр маань чинэрсэн хөхөө Солонгост ажиллаж байсан ажлынхаа жорлонд нууцаар орж саагаад жорлонлуу асгадаг байсан юм. Яагаад гэхээр хэлье гэхээр хэл мэдэхгүй. Мэдлээ ч тэдний ёсонд тийм зүйл байдаг ч юм уу ойлгох юм уу мэдэхгүй. Гадаадын хар ажилчинд янз бүрийн тавь тух, хүний эрх мэрх, зовлон мовлон ярих эрх байхгүй л дээ. Дуугүй л хий гэснийг нь хийж л байвал сайн ажилчин болно ...
Нэг удаа би ажлаа хийж байгаад зүүрмэглэсэн байсан юм. Тэгтэл гэнэт нэг хүн намайг цохиод би сэртэл Солонгос дарга маань намайг "ажил хийж чадахгүй бол зайл нохойн гөлөг минь" гэж байсан юм. Ийш тийшээ хартал бүх хүн надлуу харчихсан тэр дундаас би сандарсан нүдээр намайг ширтэх эхнэрээ олж хараад бушуухан гэмээ хүлээж "Захирлаа уучлаарай дахиж би тийм алдаа гарахгүй намайг нэг удаа өршөөнө үү" гэж уучлалт гуйгаад бид хоёр ажилтайгаа үлдсэн юм. Дараа нь завсарлагаанаар эхнэр маань над дээр хүрч ирээд. "Яасан өвдсөн үү" гээд миний хацрыг элэхэд харин нэг сайхан сэтгэлээ онгойтол уйлмаар санагдаж билээ хэхэ. Би галзуу барын аманд гараа хийхээс буцахгүй насандаа явсан учраас даргыг эргүүлж зохиж унагаагаад эхнэрээ хөтлөөд тэр ажлыг хаяад гарч болох байсан ч. "Би юуны төлөө ажиллаж байгаа билээ. Охин маань тэнд юуны төлөө ганцаараа өсөж байгаа билээ. Эхнэр маань юуны төлөө гэм хийсэн хүн шиг жорлонд орж чинэрсэн хөхөөс сааж эхийн ариун сүүгээ жорлонд асгаж байгаа билээ гэж бодсон юм" ......

Бид хоёрт анх амьдрал 2 сонголт өсгөн
1-т хүүхдээ өөрсдөө өсгөөд байгаагаараа амьдрах
2-т хүүхдээ хүнээр өсгүүлээд байгаагаасаа илүү амьдрах
Боловсрол мэдлэг, ажил сургуульгүй байсан залуу гэр бүл бид хоёр амьдралын эрхээр өөрсдөдөө итгэж 2-дахь сонголтыг нь сонгосон
Одоо байгаа амьдрал маань ингэж л боссон. Үүнийг л би хойч үе залуучууддаа одоо ба өнгөрсөн цагаараа харьцуулаад ойлгуулахыг хичээдэг юм даа.
Сонголт үргэлж чиний гарт.
Хамгийн зөв сонголт бол амьдралд хэдий чинээ эрт оочирлоно төдий чинээ олон сонголттой зүйлээс авах зүйлээ хурдан авна ...
Номын гарчиг эхэндээ
Амьдралын гарчиг сүүлдээ байдаг тул
энэ хорвоод учиргүй зовлон учиргүй жаргал гэж нэгээхэн ч үгүй ээ ....

Энэ дашрамыг ашиглаад энхрийхэн жоохон охин байхдаа над дээр ирж.
Миний хийсэн алдаа болгоныг уучилж өршөөнө.
Хэний ч биш хэзээд зөвхөн миний талд бат зогссон эхнэртээ энэ дэлхийгээс илүү том хайртай шүү гэж хэлье

Өнгөрсөн жилийн 60 хоногийг энэ аяллуудад зориулсан бол үлдсэн 300 хоногт бусдын адил ажлаа хийгээд утаа түгжрээ дундаа хүүхдүүдээ сургууль дан хүргэж өгч аван амьдарсан байгаа. Би чинь эх орондоо амьдраад гадаадаар аялагч үндэсний аялагчдын нэг шүү дээ. Одоо ч гэсэн би Америкт аялангаа өдрийн ажил олдвол ашгүй гээд ажил хийгээд явж л байна.
Харин хүүхдүүд хичээл сургуультай үед ийш тийшээ явахад маань доорх бичлэг дээр гарч байгаа Солонгос явахдаа орхиод явсан өлгийтэй жоохон охин маань одоо өсөж том болоод их сургуульдаа сурахын хажуугаар ажиллаас маань хийлцээд дүү нараа яг ээж шиг нь харж бөөцийлөөд мундаг их тус болж байгаа даа. Хөөрхий яг найзууд шиг зүгээрээ санаа зоволтгүй би чадна та хоёр зүгээр сайхан газар очоод сайхан юм үзээд ир. Харин ирэхдээ надаа гоё юм авчраарай гэдэг юм хэхэ. Залуудаа хүүхэдтэй болчхоор ийм л сайхан эрт ач тусыг үздэг юм байна лээ

Тэгээд надаас залуучууд хүүхдээ орхиод эсвэл хүүхдээ аваад гадаадад очиж ажиллавал яах бол гэж их асууж байгаа учир миний өөрийн туулсан түүхээсээ өгч чадах хамгийн бэст хариулт маань энэ шүү. Хүн нэг бүрт хариулт өгч чадахгүй байгаадаа хүлцэл өчье гэж дамжуулъя

Эх сурвалж: Bat Munh 

 

 



АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

 Утас: 91917754, И-Мэйл: royalinfo@gmail.com

© 2018. All Rights Reserved. Вэб сайтыг DsSoft LLC