Шинэ мэдээ

Улсын онцгой комиссоос өндөржүүлсэн бэлэн байдлыг ирэх сарыг дуустал сунгах санал гаргалаа5 сар 25. 11:54Өнөөдөр УОК хуралдаж, хөл хориог сунгах эсэхийг шийднэ5 сар 25. 9:15Өнөөдөр болох үйл явдлууд5 сар 25. 9:14Дохионы хэлмэрч С.Бямбадэлгэрийг “Алтан нар” одонгоор шагналаа5 сар 8. 11:52Зурхай:5 сар 8. 9:12Тавдугаар сарын 8-нд болох үйл явдлын тойм5 сар 8. 9:11Өдөртөө 13-15 хэм дулаан байна5 сар 8. 9:10М.Энхсайханыг 4,6 жил хорих ял оноолоо5 сар 7. 17:47У.Хүрэлсүх: Монгол Улсын Засгийн газар хүүхэд, өндөр настан, хөгжлийн бэрхшээлтэй иргэн, өрх толгойлсон эх, эцэгт ямагт нэн тэргүүнд анхаарал халамжаа хандуулна5 сар 6. 16:28Машинаа ачуулчихсан тохиолдолд цахимаар олох боломжтой боллоо5 сар 6. 12:03Дадлага сургуулийн нээлтийн ажиллагаа боллоо5 сар 6. 9:55Засгийн газар сургалтын төвүүдийг нээх шийдвэр гаргалаа5 сар 6. 9:54Өнөөдөр болох үйл явдлууд5 сар 6. 9:53Улсын дугаар нь 5, 0-ээр төгссөн тээврийн хэрэгсэл эзэмшигчид энэ сард татвараа төлнө5 сар 4. 9:34ОХУ-д нэг өдөрт илэрсэн коронавирусийн халдварын тохиолдол 10,000-ыг давлаа5 сар 4. 9:32Теле хичээлийн энэ долоо хоногийн ХУВААРЬ5 сар 4. 9:29Спорт заалны үйл ажиллагааг цагийн зохицуулалттайгаар нээхээр боллоо5 сар 1. 12:27Маргаашнаас эхлэн 24 байршилд нөөцийн махны өргөтгөсөн худалдаа зохион байгуулна5 сар 1. 12:26ХӨСҮТ-д коронавирусний сэжигтэй таван тохиолдлыг тусгаарлажээ5 сар 1. 12:25Ой, хээрт ил задгай гал түлэхгүй байхыг анхааруулж байна5 сар 1. 12:19

“Цагаан тахал” аюул дагуулж байна

/5-р сарын 29/  -  15 цаг 46 минут

Урлаг соёлынхон, улстөрчдийн хүүхэд, бүр сүүлдээ хуулийнхан өөрсдөө  хар тамхины хэрэгт холбогдож эхэллээ.  Дэлхийн нийтэд цагаан тахал хэмээн нэрлэгдэж буй энэхүү аюулт бодисын хэрэглээ манай улсад  газар авсаар байна. Манайд хэрэглэгч, тээвэрлэгч, борлуулагч бүгд бий. Цаашлаад тээвэрлэлтийн дамжин өнгөрөх бааз ч болдог гэдгийг албаныхан хэлдэг.  Сүүлийн хоёр сарын хугацаанд гэхэд л хар тамхитай холбоотой нэг биш нэлээн хэдэн хэрэг гарлаа.

Тээврийн прокурорын газрын хяналтын прокурор асан Х.Тамир, Тагнуулын ерөнхий газрын Мөрдөн байцаах хэлтэст ажиллаж байсан Б.Амарбаясгалан нар өмгөөлөгчийнхөө хамтаар хар тамхины хэрэгт дахин холбогджээ. Тодруулбал, энэ сарын 25-нд тэднийг авто машиндаа мансуурсан байдалтай байхад нь ЦЕГ-ын хар тамхитай тэмцэх газрын алба хаагчид баривчилсан байна. Шинжилгээгээр тэдний хар тамхи хэрэглэсэн болох нь тогтоогджээ. Түүнчлэн одоогоос гурван жилийн өмнө Х.Тамир, Б.Амарбаясгалан нар нь хар тамхины хэрэгт холбогдож яллагдагчаар татагдсан байдаг юм.

Тэгвэл өнөөдөр Цагдаагийн Ерөнхий газраас хар тамхины хэрэгт холбоотой асуудлаар сэтгүүлчдэд мэдээлэл хийлээ. Энэ үеэр ЦЕГ-ын  Хэвлэл, мэдээллийн төвийн дарга, цагдаагийн дэд хурандаа Б.Баатархүү "Цагдаагийн Ерөнхий Газрын Хар тамхитай Тэмцэх Газар олон үйл ажиллагааг явуулж байгаа. 2018 оны тавдугаар сарын байдлаар хар тамхитай холбоотой 21 холбогдогчтой найман  хэргийг илрүүлэн шалгаж байна. Тухайлбал, энэ сарын 4-5-нд шилжих шөнө урьд нь хар тамхины гэмт хэрэгт холбогдож, шүүхээс хорих ял шийтгүүлсэн 38 настай “Ч” гэгч нь 29 настай “Б”-тэй хамтран хар тамхи, мансууруулах бодисыг хууль бусаар олон, тээвэрлэж байсныг БГД-ийн нутаг дэвсгэрээс илрүүлэн баривчилсан. “Ч” нь энэ оны хоёрдугаар сард суллагдсан бөгөөд удаагүй дахин ийм төрлийн хэрэгт холбогдлоо. Одоогоор нарийн шинжилгээнүүд гараагүй байна. Урьдчилсан шалгалтаар хар тамхи хэрэглэсэн гэдэг нь тодорхой болсон” гэлээ. Түүнчлэн 38 настай “Ч” нь “Ice top” хамтлагын дуучин С.Чулуунбаатар буюу Коби аж. Харин 29 настай “Б” нь дуучин Т.Болортуяа буюу Эгшиглэн гэдгийг албаны эх сурвалж мэдээлж байна.

Түүнчлэн өнгөрөгч дөрөвдүгээр сард Хууль зүйн сайд асан Х.Тэмүүжинтэй нэр холбогдож явсан Г.Сарангэрэл нь хар тамхи мансууруулах төрлийн бодис болох “мөс”-ийг биедээ нуун хилээр гаргах гэж байгаад үйлдэл дээрээ баригдсан байдаг.  Тодруулбал, С, А, Э, А нар нь БНХАУ-аас Дорноговь аймгийн Замын-Үүд сумын авто замын шалган нэвтрүүлэх боомтоор хар тамхи, мансууруулах бодисыг бэлэг эрхтэндээ нууж улсын хилээр хууль бусаар нэвтрүүлж, бусдад зарж борлуулах зорилгоор тээвэрлэж явсныг илрүүлэн Баянзүрх дүүргийн нутаг дэвсгэрээс баривчилсан байдаг. Г.Сарангэрэл нь өмнө мөн адил хар тамхины хэрэгт холбогдож байсан удаатай.

Энэ мэт олны танил эрхэмүүд болон хуулийнхан хар тамхи хэрэглэсэн, тээвэрлэсэн, борлуулсан гэх хэрэгт холбогдсоор байна. Бидний нүд, чихнээс хол мэт санагддаг цагаан тахал гэгч ердөө л бидний дэргэд байна.

                                                                                                                                              Д.Болор

 

 

 

 

 



АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

 Утас: 91917754, И-Мэйл: royalinfo@gmail.com

© 2018. All Rights Reserved. Вэб сайтыг DsSoft LLC