Шинэ мэдээ

Д.Сумъяабазар Нийслэлийн МАН-ын хороог удирдана9 сар 22. 12:21Дүүргийн хэмжээнд 11.593 м.кв талбайд замын тэмдэглэгээ хийв9 сар 22. 12:13"Бид төрийн албаны шинэ соёл, дэг журмыг тогтоохоор ажиллаж байна"9 сар 22. 12:12Налайх дүүрэгт цахилгаан хязгаарлана9 сар 22. 12:10“АВТОМАШИНГҮЙ ӨДӨР” автобус хэрхэн үйлчлэх вэ9 сар 22. 12:08Өнөөдөр "автомашингүй" өдөр9 сар 22. 12:06Үс шинээр засуулбал жаргал үргэлжид ирнэ9 сар 22. 12:04Улаанбаатарт 10 хэм дулаан9 сар 22. 12:03АШУҮИС-ийн харъяа шинэ эмнэлэг ирэх онд ашиглалтад орно9 сар 21. 15:56Ерөнхий сайд 350 сая ам.долларын буцалтгүй тусламжийн гэрээнд гарын үсэг зурлаа9 сар 21. 11:04Нийслэлийн эрүүл мэндийн байгууллагуудад автомашин хүлээлгэж өглөө9 сар 21. 10:46Улиастай уулзвараас Баянзүрхийн товчоо хүртэлх замыг шинэчлэн өргөтгөж, зорчих хэсгийг нээлээ9 сар 21. 10:45Чөлөөт бөхийн залуучуудын ДАШТ: Э.Дэлгэрмаа алтан медалийн төлөө барилдана9 сар 21. 10:31Б.Халиунаа залуучуудын ДАШТ-ээс мөнгөн медаль хүртлээ9 сар 21. 10:29Өнөөдөр цахилгаан шугам тоноглолд засвар үйлчилгээ хийх хуваарь9 сар 21. 10:132018 - 09-22-ноос 09-26-ныг хүртэлх цаг агаарын урьдчилсан төлөв9 сар 21. 10:07Баянзүрхийн товчоо орчмын авто замын өргөтгөл, шинэчлэлтийн ажил 70 хувьтай байна9 сар 20. 10:24Энэ бямба гарагт дэлхийн автомашингүй өдрийг тэмдэглэнэ9 сар 20. 10:1970 гаруй ААН, байгууллагын 4000 гаруй ажлын байр зарлагдаад байна9 сар 20. 10:15Үс засуулбал эрхтэн хурц болно9 сар 20. 9:52

М.Энхболд: Дэлхийд ганцхан монгол наадамдаа дэлгэр сайхан наадаарай

/7-р сарын 11/  -  10 цаг 51 минут

УИХ-ын дарга М.Энхболд Үндэсний их баяр наадмын мэндчилгээ дэвшүүллээ.

Бахархах түүх, омогших алдар, хайрлах эх орон нэгтэй, элгэн садан монголчууд аа, 

Та бүхэндээ Тулгар төрийн 2227, Их Монгол Улсаа байгуулсны 812, Ардын хувьсгалын 97 жил, Үндэсний их баяр наадмын мэндчилгээг Монгол Улсын Их Хурлын нэрийн өмнөөс болон хувиасаа өргөн дэвшүүлье. 

Монгол түмний гайхамшигт соёлын нэгэн тод илэрхийлэл, даян дэлхийд биднийг Монгол гэж танигдуулдаг эртний уламжлалт баяр МОНГОЛ НААДАМ эхлэх гэж байна. Монгол наадам бол зөвхөн баяр цэнгэл биш, ёс бэлгэдлийн, утга соёлын цогц бүрэлдэхүүн юм. 

Энэ жилийн наадмыг Та бид улсаа хөгжүүлж, иргэнээ дээдэлсэн нийгмийг цогцлоох эрхэм зорилгынхоо төлөө томоохон алхам хийсэн амжилтаар угтаж байна. 

Тасралтгүй уруудаж байсан эдийн засаг тасралтгүй өсөж байна. 

2017 оны эхний хагас жилд 676.0 тэрбум төгрөгийн алдагдалтай байсан нэгдсэн төсвийн тэнцвэржүүлсэн тэнцэл 12.9 тэрбум төгрөгийн ашигтай гарлаа. Татварын орлого өмнөх оныхоос 842.6 тэрбум төгрөгөөр  өсчээ. 

Гадаад худалдааны бараа эргэлт 1.3 тэрбум америк доллараар нэмэгджээ. Аж үйлдвэрийн салбарын үйлдвэрлэл 2018 оны эхний хагас жилийн урьдчилсан гүйцэтгэлээр 7.4 их наяд төгрөг болж, 2017 оны мөн үеэс 24.6% хувь өслөө. 

Хууль тогтоох дээд байгууллага УИХ арав гаруй жил ярьж, маргасан Тавантолгойн нүүрсний ордын талаар түүхэн чухал гэж хэлж болохуйц Тогтоол баталснаар ирэх онуудад эдийн засаг 10-аас дээш хувь өсөх боломж бүрдлээ. 

Хүүхдийн мөнгөн тэтгэмжийн хамрах хүрээг 80 хувьд хүргэлээ. Монгол Улсын иргэнд газар өмчлүүлэх хугацааг 10 жилээр сунгалаа. 

Эрхэм хүндэт иргэд ээ,

Эх оронч үзэл, улс үндэстнээрээ бахархах сэтгэл, сайхан ирээдүйг бүтээх эрмэлзлээр монгол хүн бүр бялхам дүүрэн байгаа гэдэгт би итгэдэг. Тийм маргаашийг бүтээж чадна гэдэгтээ бас, эргэлздэггүй ээ. 

Цөөхүүлээ хэрнээ олуулаа юм шиг том орон бол Монгол билээ. Бидний энэ хүч чадлын эх сурвалж нь зөвхөн эв нэгдэлдээ байдаг. Тиймээс эвийг эрхэмлэж, талцал хуваагдлаас хол байх нь эцэг дээдсийн захиж үлдээсэн алтан сургаал билээ. 

Аливаа сайн үйлс, бүтээх эрмэлзэл бүхнийг дэмжиж, гагцхүү хууль ёс, үнэн шударга засагласан нийгмийг бүтээхийн төлөө шамдацгаая. 

Монгол түмэн минь дэлхийд ганцхан монгол наадамдаа дэлгэр сайхан наадаарай. 

Хүлэг бүхэн хурдан, бөх болгон даваатай, сум тоолон мэргэн байг ээ.

Эрдэм төгс иргэнтэй, ирээдүй маргааш нь гэрэлтэй Монгол Улс маань мандан бадрах болтугай. 

МОНГОЛ УЛСЫН ИХ ХУРЛЫН ДАРГА МИЕЭГОМБЫН ЭНХБОЛД



АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 99001246

Сэтгэгдэл бичих

Холбоо барих: 95119311, royalinfo@gmail.com
© 2018. All Rights Reserved. Вэб сайтыг DsSoft LLC