Шинэ мэдээ

"АН үнэхээр гашуудаж, эмгэнэж байгаа бол камер, микрофонгүй газар буян үйлд"5 сар 21. 13:27"Улаанбаатар марафон-2019" олон улсын гүйлтийн тэмцээнд болж байна5 сар 18. 15:12Ардчилсан нам гурван ажлын хэсэг байгуулан ажиллаж байна5 сар 18. 14:23"Ерөнхийлөгч хуулиа уншдаггүй юм гэхэд ядаж хуулийнхаа нэрийг унш"5 сар 17. 14:28"Нэг мөсөн намаас хөөчих"5 сар 17. 12:38МАН:УИХ-ын гишүүн Д.Дамба-Очир, Ш.Раднаасэд нарт улстөрийн хариуцлага тооцохоор болжээ5 сар 17. 12:28Эрүүл мэндийн яамны нэр бүхий мэргэжилтнүүдийг авлигалын хэргээр саатуулжээ5 сар 17. 11:31Говь-Алтай аймагт цэвэр усны 54 км урт шугам хоолой татаж байна5 сар 17. 11:05Сайжруулсан түлш борлуулах цэгүүд5 сар 17. 11:03Үс шинээр засуулбал жаргал үргэлжид ирнэ5 сар 17. 10:16Улаанбаатарт 10 хэм дулаан байна5 сар 17. 10:15Шар усны үерийн аюулаас сэрэмжлүүлж байна5 сар 16. 14:30Н.Алтанхуяг АН-ын дарга С.Эрдэнийг шалгуулахаар АТГ-д хандлаа5 сар 16. 14:02Туул, Сэлбэ голын эрэг дагуух ил задгай хог хаягдлыг 10 000 хүн нэгдэж цэвэрлэнэ5 сар 16. 13:27С.Мөнгөнчимэг: ХАБЭА-н үйл ажиллагааг шинэ шатанд гаргах, бүтээлч, оновчтой шийдлийг хэлэлцсэн чуулган болно гэдэгт итгэлтэй байна5 сар 16. 10:24Олимпийн аварга Алина Кабаева ихэр хүүтэй болжээ5 сар 16. 10:00Дэд хурандаагийн гэрийг нүүлгэж явсан онцгой байдлын албан хаагч амиа алджээ5 сар 16. 9:53Долоон настай охины 4 хурууг хурц иртэй зүйлээр тасалсан хэрэг гарлаа5 сар 16. 9:45Сонгууль угтсан шоу5 сар 15. 10:52Ерөнхийлөгч татварын багц хуульд бүхэлд нь хориг тавилаа5 сар 15. 10:33

"Наадмын нээлт Монгол ахуйг харуулсан өвөрмөц, сайхан боллоо"

/7-р сарын 11/  -  19 цаг 45 минут

Монгол Улсын Ерөнхийлөгч Х.Баттулга Тулгар төрийн 2227, Их Монгол Улсын 812, Ардын хувьсгалын 97 жилийн ой, Ардчилсан хувьсгалын 29 жилийн ой, Үндэсний их баяр наадмыг нээн үг хэлж, баяр наадмын нээлтийн ёслол, хүчит бөхийн барилдааны нэгийн давааны эхлэлийг үзэж сонирхсоныхоо дараа Төв цэнгэлдэхийн гадна байрлаж буй МҮОНРТ-ийн асраар зочилж, ярилцлага өгөв.

-Эрхэм Ерөнхийлөгч Х.Баттулга таныг манай асарт хүрэлцэн ирсэнд гүн талархаж байна.

-Баярлалаа. Сайхан наадаж байна уу.

-Сайхан наадаж байна. Та сайхан наадаж байна уу?

-Сайхан наадаж байна. Танай телевизийн асраар хоёр дахь удаагаа зочилж байна. Мөн Үндэсний их баяр наадмаа хоёр дахь удаагаа нээлээ. Наадмын нээлт Монгол ахуйг харуулсан өвөрмөц, сайхан боллоо.

-Та Ерөнхийлөгчийн хувиар энэ жилийн наадмыг Монгол түмэндээ ямар бэлгэшээлтэйгээр угтаж байна. Төрийн тэргүүний хувиар хоёр дахь удаагаа наадмаа нээлээ. Ямар сэтгэгдэлтэй байна вэ?

-Тийм. Монгол наадмыг нээх амар асуудал биш. Өнгөрсөн жил тангараг өргөөд л ямар ч бэлтгэлгүй шахуу байж байгаад наадам нээхдээ бага зэрэг сандарч байгаа юм шиг мэдрэмжтэй байсан. Тухайн үедээ сандраад л байгаа болов уу гэж бодож байсан ч энэ жил адилхан мэдрэмжтэй байлаа. Уламжлалаа хүндэтгэсэн айдас байх.

-Төр бол ёс хүндэтгэл юм гэж товчхон өгүүлдэг. Өчигдөр та Төрийн далбаа цэнгүүлэх ёслол дээр “…Монгол ёс заншил, өв уламжлалыг дархлах хэрэгтэй…” гэсэн утгатай үг хэлсэн. Цаашдаа Монгол наадмыг дэлхийд сурталчилах, ёслол, хүндэтгэлээ залуу, хойч үедээ өвлүүлэх талаар ямар бодолтой байна вэ?

-Аливаа тусгаар тогтносон улс болгон өөрсдийнхөө өв соёл, түүх уламжлалыг хадгалж үлдээд, түүнийгээ орчин цагтайгаа уялдуулан авч явах үүрэгтэй байдаг. Тэр үүрэг бидний үед ирсэн.

Жишээ нь, эрийн гурван наадам гэж хэлэгддэг бөхийн барилдаан, сур харваа, хурдан морины уралдаан бий. Үүнийг хэрхэн хадгалж, авч үлдэх вэ гэдэг нь асуудал дагуулж байгаа. Бөхчүүд хоорондоо маргалдаж байгаа нь ч цаг үе нь шаардсан шинэчлэл. Үүнийг эвтэйхэн давчихвал асуудал бага гарна. Тэгэхээр улсын наадам буюу нүүдэлчдийн соёлыг хадгалсан наадмаа дэлхийд хэрхэн таниулах вэ гэдгээ ярих ёстой. Олимп зэрэг томоохон арга хэмжээ бидний мэдэж байгаачлан оройн цагаар болдог. Нар буусны дараа нээлтээ хийж байгаа нь учиртай. Тэгэхээр Үндэсний их баяр наадмын туг залах ёслолоо өдөр хийгээд, зарим ёслол, нээлтийг орой хийх боломж бий.

Мөн наадмаар үндэсний бөхөөр цэрэг барилдуулахдаа арай бие, хаа сайтай цэргүүдийг барилдуулах хэрэгтэй байна зэрэг санаануудаа наадмын зохион байгуулах комисст хэлээд амжлаа. Монгол Улсаа сурталчилах бас нэг том хэсэг шүү дээ.

-Баярлалаа. Таны ажилд өндөр амжилт хүсэн ерөөе.

-Баярлалаа. Та бүхэн сайхан наадаарай.

Эх сурвалж:President.mn



АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

 Утас: 90558369, И-Мэйл: royalinfo@gmail.com

© 2018. All Rights Reserved. Вэб сайтыг DsSoft LLC