Шинэ мэдээ

Их хэмжээний бугын ясан эврийг хууль бусаар тээвэрлэж явсныг илрүүлжээ7 сар 22. 10:56Баянхошууны эцсийн буудлаас 10 дугаар хороо хүртэлх 0,8 км авто замын барилгын ажил дууслаа7 сар 22. 10:46Түрээсийн орон сууцны цахим бүртгэл эхэллээ7 сар 22. 10:38Далай ээжийг гадаад ертөнцөд таниулсан тайгын бүсгүй7 сар 22. 10:33Улаанбаатарт бороотой, 20 хэм дулаан байна7 сар 22. 10:28НӨАТ: 10 сая төгрөгийн зургаан азтан тодорлоо7 сар 22. 10:27Сэвлэг үргээх болон үс засуулахад тохиромжгүй7 сар 22. 9:58Цэцэрлэгийн бүртгэл эхэллээ7 сар 22. 9:54Маргааш НӨАТ-ын сугалааны 50 саяын азтан тодорно7 сар 20. 14:03"ИХ ХУРД 8": Уяачийг “Land cruiser”, уралдаанч хүүг нэг өрөө байраар шагнана7 сар 20. 14:00Монгол туургатны морьтны өв, соёлын "Их хурд-8" наадам эхэллээ7 сар 20. 10:57Түрээсийн орон сууц 68.59 мкв, 49.23 мкв, 39.30 мкв гэсэн гурван төрлийн сонголттой байна7 сар 19. 16:41СЭРЭМЖЛҮҮЛЭГ: Дөрвөн хүн амь насаа алдсан ноцтой осол гарлаа7 сар 19. 14:45ТАНИЛЦ:Цахим дуудлага худалдаагаар худалдах газруудын байршил7 сар 19. 11:41Улаанбаатарт бороотой, 20 хэм дулаан7 сар 19. 11:31Өнөө, маргаашдаа дуу цахилгаантай, усархаг бороо үргэлжлэн орно7 сар 19. 11:21Өнөөдөр гурван дүүрэгт цахилгаан хязгаарлана7 сар 19. 11:12Түрээсийн орон сууцны шинэ журмыг танилцуулж байна7 сар 17. 15:16Үер усны аюулаас сэрэмжлүүлж байна7 сар 17. 12:02"Улс оронд ШИНЭ ГАРАА, ШИНЭ ЭХЛЭЛ даруй хэрэгтэй байна"7 сар 17. 10:52

Цалин нэмэгдүүлнэ гэх Засгийн газрын зальжин арга

/9-р сарын 11/  -  7 цаг 30 минут

Монгол Улсын Төрийн тэргүүний сэнтийд хоёр удаа сууж байсан эрхэм Ц.Элбэгдоржийн хэлсэн "хошгоруулах" гэж нэг брэнд үг бий.   Манай улс төрчид ч ард түмнийг сайн хошгоруулна, бид ч амархан хошгорчихно. Тэгвэл  Ерөнхий сайд У.Хүрэлсүх олон мянган төрийн албан хаагчдын цалинг энэ сараас нэмнэ хэмээн бас л хошгоруулжээ.  Хэдхэн хоногийн өмнө хэвлэл мэдээллийн бүхий л хэрэгслээр цалин нэмэх мэдээлэл цацагдаж, түүнд олзуурхаж суусан гэр бүл олон байсан байх. Сүүлийн жилүүдэд төрийн албан хаагчдын цалинг нэмэгдүүлээгүй. Харин өргөн хэрэглээний бараа бүтээгдэхүүн, шатахууны үнэ өдөр бүр нэмэгдсээр байсан. Ийм эгзэгтэй үед Засгийн газраас цалин нэмэх шийдвэр гаргасан нь нүдээ олсон шийдвэр байсан юм.

Гэтэл Засгийн газрын дээрх шийдвэр гал намжаах шоу байсан гэдгийг батлах нэгэн мэдээлэл бидэнд ирлээ. Тодруулбал, Засгийн газарт төрийн албан хаагчдын цалинг нэмэх хөрөнгө байхгүй гэнэ. Харин оны төгсгөлд төрийн албан хаагчдад олгодог үр дүнгийн урамшуулал болох 300 мянган төгрөгийг 2018 оны сүүлийн дөрвөн сар буюу 9,10,11,12 сарын цалин дээр хуваан олгох чиглэлийг Засгийн газраас яам, агентлагууддаа өгчээ. Дээрх шийдвэрийн тогтоол нь цөөн хэдэн агентлагт хүрсэн бөгөөд одоогоор маш нууцалж байгаа гэнэ.

Уг нь өнгөрсөн жил төрийн албан хаагчдад “сахилга хариуцлага, үр дүнгийн урамшуулал” болгон 300 мянган төгрөгийг жилд нэг удаа олгох шийдвэр гарч байсан. Гэтэл өнөөдөр цалин нэмэх нэрийдлээр дээрх 300 мянган төгрөгийг хуваан олгох гэж буй нь харамсалтай хэрэг болоод байна. Шулуухан хэлэхэд Засгийн газар төрийн албан хаагчдыг малтай зүйрлэж, доромжилж байна. Ерөнхий сайд У.Хүрэлсүх өөрийн танхимын эрх ашигийг бодож олон мянган төрийн албан хаагчийн чихэн дээр нь цэцэг ургуулаад орхижээ. Нэгэнт шийдвэр гарсан.  Энэ оны сүүлээр төрийн албан хаагчдын цалин дээр тодорхой хэмжээний мөнгө нэмэгдэнэ. Харин тэд оны төгсгөлд үр дүнгийн урамшуулал болох 300 мянган төгрөгөө авч чадахааргүй болж байгаа бололтой. 

У.Хүрэлсүхийн Засгийн газрын суурь тун чиг хэврэг болчихоод байгаа. Хичээлийн шинэ жил эхлэхтэй зэрэгцэн багш нар цалингаа нэмэгдүүлэх шаардлага тавьж, ажил хаялт зарлаад буй. Үүнтэй холбоотой БСШУС-ийн сайд Ц.Цогзолмааг огцоруулах асуудал яригдаад эхэлсэн. Зам тээвэр, хөгжлийн сайд үүрэгт ажлаасаа чөлөөлөгдөөд удаж байна.  Мөн Ардчилсан намын бүлгийн зүгээс У.Хүрэлсүхийн Засгийн газрыг огцоруулах асуудлыг тавьсан. УИХ-ын намрын чуулган эхлэхтэй зэрэгцэн энэ асуудал хөндөгдөнө.

 Засгийн газар ийм эгзэгтэй үедээ Төрийн албан хаагчдын цалинг нэмэгдүүлнэ гэх шоу хийж, олон нийтэд мэдээлсэн нь Ерөнхий сайдыг ямар айдастай байгааг харуулж байна.



АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

 Утас: 90558369, И-Мэйл: royalinfo@gmail.com

© 2018. All Rights Reserved. Вэб сайтыг DsSoft LLC