Шинэ мэдээ

ТЕГ-ын дарга асан Б.Хурцыг цагдан хорьжээ9 цагийн өмнөГурав хоног архи, согтууруулах ундаа зарахгүй4 сар 24. 12:02Кёкүшюзан Д.Батбаярыг залилангийн хэргээр шалгаж эхэллээ4 сар 24. 11:56Ц.Элбэгдоржийн хууль бус үйлдлийн талаар мэдээлэл хийнэ4 сар 24. 11:02Гамшгаас хамгаалах иж бүрэн сургуулийн нээлт боллоо4 сар 24. 9:22Үс засуулахад тохиромжгүй4 сар 24. 9:20Улаанбаатарт 7 хэм дулаан4 сар 24. 9:19Ерөнхийлөгч Х.Баттулга БНХАУ-д албан ёсны айлчлал хийж байна4 сар 24. 9:18Машины зогсоол байсан газарт усан оргилуур барина гэв4 сар 23. 17:30Үндэсний номын сангийн шинэ барилгын ажлыг энэ онд багтаан дуусгахыг Ерөнхий сайд үүрэг болголоо4 сар 23. 15:30Зөвшөөрөлгүй хашаа, хайсыг цэгцлэх ажил үргэлжилж байна4 сар 23. 14:34Нийслэлийн ногоон бүсэд амралт, аялал зугаалга зохион байгуулахыг хориглолоо4 сар 23. 10:31Цэвэрлэх байгууламжинд амиа алдсан дөрвөн ажилтны ар гэрийнхэнд тус бүрд нь хоёр өрөө байр олгоно4 сар 23. 9:49Энэ сарын 25-ны өглөө авто зам, гүүрийн зорчих хөдөлгөөнийг түр хаана4 сар 23. 9:29Пүрэв гаригт 10.00 цагт ажил эхэлнэ4 сар 23. 9:28Үс шинээр засуулбал сайнтай нөхөрлөнө4 сар 23. 9:24Улаанбаатарт 7 хэм дулаан4 сар 23. 9:23У.Хүрэлсүх:Түүхэн аялал жуучлалыг цогцоор хөгжүүлэхэд ЗГ гадаад дотоодын хөрөнгө оруулагчидтай нягт түншлэн ажиллахад бэлэн4 сар 22. 14:47“Suruga development” компани ням гариг гэхэд дугуйн замыг чөлөөлөхөө мэдэгдэв4 сар 22. 14:13Капитал банк дампуурсан гэдгийг сонссон нэг иргэн шоконд орж амь насаа алдсан гэв4 сар 22. 13:25

Төрийн албыг төрлийн алба болгодогийн жишээ буюу Ц.Цогзолмаа сайдын гэр бүл

/11-р сарын 7/  -  10 цаг 24 минут

Мууд муу нэмэр, муухайд улцан нэмэр гэгчээр У.Хүрэлсүхийн Засгийн газрын хувь заяа дээсэн дөрөөн дээр дэнжигнэж байхад хажуугаар нь асуудал үүсгээд буй ганц нэг нөхөр энэ танхимд байна. Тодруулбал, БСШУС-ын сайд Ц.Цогзолмаа У.Хүрэлсүхийн Засгийн газрыг муухай харагдуулах хүмүүсийн нэгээр цоллуулсаар удаж байна.

Саяхан Ц.Цогзолмаа сайдын нөхөр буюу Ч.Саранжав нь "Улаанбаатар Дулааны Сүлжээ" ТӨХК-ийн гүйцэтгэх захирлаар томилогдсон. Энэ талаар хэвлэл мэдээллээр ч нэлээн шүүмжилсэн бөгөөд Ц.Цогзолмаа сайдыг нөхрийгөө дээд албан тушаалд томилогдоход нөлөөлсөн хэмээн олон нийт хардсаар байна. Мөн түүний охин БОАЖЯ-ны  Аялал жуулчлалын бодлого, зохицуулалтын газрын даргаар томилогдоод удаагүй байгаа аж. Уг асуудлаар хэвлэл мэдээллийнхэн Ц.Цогзолмаа сайдаас тодруулахад тэрбээр "Манай нөхөр мэргэжлээрээ л ажиллаад явж байгаа. Тэр хүмүүс мэргэжлээрээ л ажилладаг" гэх тайлбарыг өгсөн юм.

Тэгвэл 2018 оны  долоодугаар сарын 16-ны өдөр Төрийн албаны зөвлөлөөс БОАЖЯ-ны Төрийн нарийн бичгийн дарга Ц.Цэнгэлд хаягласан нэгэн албан бичиг анхаарал татаж байна.

Тус албан бичигт

"БОАЖЯ-ны Аялал жуулчлалын бодлого, зохицуулалтын газрын даргын албан тушаалд томилогдох ажилтанд дүгнэлт гаргуулахаар ирүүлсэн 03/4587 тоот албан бичигтэй танилцлаа. УИХ-ын 2013 оны 13 дугаар тогтоолоор батлагдсан "Төрийн жинхэнэ албаны удирдах албан тушаалд томилогдох ажилтныг сонгон шалгаруулах журамын 9-дүгээр зүйлийн "б", 14 дүгээр зүйлд тус  тус  зааснаар төрийн жинхэнэ албаны удирдах албан тушаалын сул орон тоо гарсан тохиолдолд Томилох эрх бүхий этгээдээс ирүүлсэн хүсэлт, захиалгын дагуу Төрийн албаны зөвлөл нь сонгон шалгаруулж, дүгнэлт гаргадаг эрх зүйн зохицуулалттай.

Гэтэл тус яамны 03/4587 тоот албан бичгийг  Төрийн нарийн бичгийн даргын албан үүргийг түр орлон гүйцэтгэгч ирүүлсэн, мөн Аялал жуулчлалын бодлого зохицуулалтын газрын даргын албан тушаалын "Ажлын байрны тодорхойлолт"-д тавигдсан ажилласан жилийн шалгуур яамны газрын дарга гэхэд хэт бага байх тул Төрийн албаны зөвлөлөөс уг албан тушаалд нэр дэвшигчид дүгнэлт гаргах боломжгүй байна. Ирүүлсэн материалуудыг буцаан хүргүүлэв. Дарга Б.Цогоо"   гэжээ.

            Нэг үгээр хэлбэл Ц.Цогзолмаа сайдын охин нь Аялал жуулчлалын бодлого зохицуулалтын газрын даргын албан тушаалд ажилласан жилийн шалгуураар тэнцэхгүй гэсэн үг юм. Гэтэл уг албан бичгийг үл харгалзан өнөөг хүртэл ажил үүргээ гүйцэтгэж байгаа нь учир дутагдалтай. Нөгөө талаар энэхүү асуудалд БСШУС-ын сайд Ц.Цогзолмаагийн оролцоо хэр байгаа нь мөн л анхаарал татах асуудал болоод байна. Бидний хэлдэг шиг төрийн албыг төрлийн алба болгодогийн зарим нэг жишээ энэ юм.

Д.Болор  



АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

 Утас: 90558369, И-Мэйл: royalinfo@gmail.com

© 2018. All Rights Reserved. Вэб сайтыг DsSoft LLC