Шинэ мэдээ

Хилийн боомтууд нэгдүгээр сарын 25-27-нд амарна6 цагийн өмнөХоолоо зөв шингээх ТАВАН арга6 цаг 4 минутын өмнөКоронавирусийн талаар иргэдэд зөвлөгөө, мэдээлэл өгөх 80086829 утсыг ажиллуулж байна6 цаг 5 минутын өмнөДЭМБ шуурхай хуралдаан зарлажээ1 сар 22. 11:58ОХУ-ын шинэ Засгийн газар бүрдлээ1 сар 22. 10:24УИХ-ын дөрвөн байнгын хороо хуралдана1 сар 22. 10:22Цаг агаарын урьдчилсан мэдээ1 сар 22. 9:17Энэ өдрийн зурхай1 сар 22. 9:16Сургуулийн сурагчдад “Ухаалаг бугуйвч” хүргүүлж эхэллээ1 сар 20. 13:03Цэргийн бүртгэл эхэллээ1 сар 20. 13:00Автобусанд бэлэн мөнгөөр зорчвол 10 мянган төгрөгөөр торгоно1 сар 15. 11:07Онцгой байдлын байгууллагын 2020 оны сургуулийн жилийн нээлт боллоо1 сар 15. 10:40ДЭМБ: Хятадад дэгдсэн хатгалгааны үл мэдэгдэх төрөл шинэ вирусээр үүсгэгдсэн1 сар 15. 9:22Цэргийн бүртгэл нийслэлийн хэмжээнд нэгдүгээр сарын 20-ны өдрөөс эхэлнэ1 сар 15. 9:13Өвөлжилтийн нөхцөл байдал1 сар 15. 8:47“МАКС” ГРУППИЙН ЕРӨНХИЙЛӨГЧ Д.ГАНБААТАР ОБЪЕКТОО 500 ОРТОЙ ЭМНЭЛГИЙН ЗОРИУЛАЛТААР АШИГЛАХ САНАЛ ТАВИВ1 сар 15. 8:44ЗУРХАЙ: Үс шинээр үргээлгэх буюу засуулахад тохиромжгүй1 сар 15. 8:40Улаанбаатарт өдөртөө 15 хэм хүйтэн1 сар 15. 8:39УИХ-ын Сонгуулийн “газрын зураг”1 сар 13. 8:48Улсын Их Хурал өнгөрсөн долоо хоногт1 сар 13. 8:45

Прокурорын орлогч, АТГ-ын даргыг томилох асуудлыг түр хойшлууллаа

/3-р сарын 25/  -  16 цаг 31 минут

УИХ дахь МАН-ын бүлэг /2019.03.25/ хуралдаж, гурван асуудлыг хэлэлцэн шийдвэрлэлээ. Тодруулбал, С.Зориг агсны хэргийг шийдвэрлэх явцад иргэдийг эрүүдэн шүүсэн байж болзошгүй асуудлаар Хууль зүй, дотоод хэргийн сайд Ц.Нямдоржийн мэдээллийг сонссон. Гишүүд мэдээллийг сонсч, асуулт асууж саналаа хэлээд бүлгээс гурван шийдвэр гаргахаар тогтлоо. Үүнд, эрүүдэн шүүсэн асуудал байвал хүний эрх зөрчсөн, ардчилсан Монгол Улсад байж болшгүй асуудал гэж үзээд бичлэгийг ил болгох нь зүйтэй гэж үзжээ. . Иймд УИХ-аас Засгийн газарт чиглэл өгч, шийдвэр гаргах ёстой. Мөн эрүүдэн шүүсэн асуудлаар УИХ-аас ажлын хэсэг гарч ажиллахаар болов. Цаашлаад, эрүүдэн шүүсэн асуудлыг ҮАБЗ-ийн хурлаар хэлэлцэж, яаралтай шийдвэр гаргах ёстой гэж бүлгийн хурлаас шийдвэрлэлээ. Бүлгийн хурлын талаар УИХ дахь МАН-ын бүлгийн дарга Д.Тогтохсүрэн, Ажлын албаны дарга Н.Энхтайван нар мэдээлэл хийлээ. 

Бүлгийн хурлаар хэлэлцсэн хоёрдугаар асуудал нь УЕПГ-ын орлогч даргыг томилох байсан. Энэ талаар УИХ дахь МАН-ын бүлгийн дарга Д.Тогтохсүрэн “Прокурорын орлогч даргын бүрэн эрхийн хугацаа дууссан. Тиймээс шинэ прокурорын орлогчийг томилох асуудлыг УИХ-тай зөвшилцдөг учраас олонхийн бүлэг хэлэлцлээ. Бүлгийн гишүүд энэ асуудлыг хойшлуулах нь зөв гэж шийдвэрлэсэн. Шалтгаан нь, С.Зориг агсны хэргийг эрүүдэн шүүсэн гэх асуудлыг УИХ яаралтай хэлэлцэж, ҮАБЗ шийдвэр гарган түргэвчилсэн арга хэмжээ авах ёстой гэж үзсэн учраас прокурорын томилгооны асуудлыг түр хойшлуулах шийдвэрт хүрсэн.

Дараагийн хэлэлцсэн асуудал нь АТГ-ын дарга, дэд даргын асуудлыг хэлэлцсэн. Уг асуудлаар Монгол Улсын Ерөнхийлөгчийн зүгээс өнгөрсөн оны тавдугаар сард албан бичиг ирүүлсэн. “Одоо албан үүрэг гүйцэтгэж байгаа АТГ-ын дарга, дэд даргын хугацаа дууссан учраас дараагийн дарга нарыг томилж өгнө үү” гэсэн. Энэ асуудлаар УИХ-ын Хууль зүйн байнгын хороо шийдвэрээ гаргасан. Шийдвэр нь “Бүрэн эрхийн хугацаа нь дуусаагүй. Тиймээс өргөн барьсан асуудлыг хэлэлцэх боломжгүй” гэсэн шийдвэр гаргасан байдаг. Дээрх шийдвэртэй холбоотой Үндсэн хуулийн Цэц дээр маргаан үүссэн байна. Иймд эрх зүйн маргаантай байгаа асуудлыг бүлэг дээр яаралтай шийдвэрлэх шаардлагагүй гэж үзээд хэлэлцэхийг хойшлууллаа” гэв.

Мэдээллийн дараа сэтгүүлчдийн асуултад хариуллаа. 
-С.Зориг агсны хэргийг шийдвэрлэхдээ эрүүдэн шүүсэн гэх асуудлын бичлэгийг прокурорын зөвшөөрөлгүй үзүүлнэ гэж шийдвэрлэсэн юм уу. Маргааш УИХ-ын ээлжит бус чуулган завсарлах гэж байна, тэгэхээр хаврын чуулган хүртэл энэ асуудал хойшлоно гэсэн үг үү?

-Бичлэгийн асуудлыг ойрын үед шийдвэрлэх байх. Засгийн газрын хуралдаанаар шийдвэрлэх асуудал. УИХ энэ асуудлыг Хууль зүйн байнгын хорооны хуралдаанаар ойрын хугацаанд хэлэлцэж, өнөө маргаашгүй тодорхой чиглэл гаргана. Прокурорын тухай асуудалд Үндсэн хуулийн Цэцийн шийдвэр гарна. Иймд нэр дэвшигчийг судлана. Мөн С.Зориг агсны хэргийг эрүүдэн шүүсэн асуудлыг түргэн шийдэх хэрэгтэй байна. Иймээс томилгоотой холбоотой асуудлыг багцад нь авч үзэх хэрэгтэй гэж шийдсэн.

-Эрүүдэн шүүсэн асуудалтай холбоотой хоёр иргэнийг цагдан хорьсон гэсэн мэдээлэл байгаа. Хууль зүйн сайдын зүгээс ямар мэдээлэл өгсөн бэ?

-Бүлгийн хурал дээр хэрэгтэй холбоотой эрүүдэн шүүсэн гэх хүмүүстэй холбоотой мэдээлэл яригдаагүй.

-АТГ-ын даргад хэвлэлээр яригдаж байгаа хоёр хүн байгаа. Өөр ямар хүний нэр яригдаж байгаа юм бол?

-Ерөнхийлөгчийн ирүүлсэн саналыг байнгын хороо хэлэлцээд хугацаа дуусгавар болоогүй гэж үзсэн. Мөн Цэцийн шийдвэр гартал АТГ-ын даргыг хэлэлцэх боломжгүй гэж үзэж байгаа. Төрийн албаны тухай хуулийн 28-д заасан заалт нь зөвхөн төрийн албаны зөвлөлийн гишүүдэд холбоотой. Төрийн тусгай албан хаагчдийн тухайд өөр хуулиар зохицуулагдаж байгаа.



АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

 Утас: 91917754, И-Мэйл: royalinfo@gmail.com

© 2018. All Rights Reserved. Вэб сайтыг DsSoft LLC