Шинэ мэдээ

Сургуулийн сурагчдад “Ухаалаг бугуйвч” хүргүүлж эхэллээ9 цаг 40 минутын өмнөЦэргийн бүртгэл эхэллээ9 цаг 42 минутын өмнөАвтобусанд бэлэн мөнгөөр зорчвол 10 мянган төгрөгөөр торгоно1 сар 15. 11:07Онцгой байдлын байгууллагын 2020 оны сургуулийн жилийн нээлт боллоо1 сар 15. 10:40ДЭМБ: Хятадад дэгдсэн хатгалгааны үл мэдэгдэх төрөл шинэ вирусээр үүсгэгдсэн1 сар 15. 9:22Цэргийн бүртгэл нийслэлийн хэмжээнд нэгдүгээр сарын 20-ны өдрөөс эхэлнэ1 сар 15. 9:13Өвөлжилтийн нөхцөл байдал1 сар 15. 8:47“МАКС” ГРУППИЙН ЕРӨНХИЙЛӨГЧ Д.ГАНБААТАР ОБЪЕКТОО 500 ОРТОЙ ЭМНЭЛГИЙН ЗОРИУЛАЛТААР АШИГЛАХ САНАЛ ТАВИВ1 сар 15. 8:44ЗУРХАЙ: Үс шинээр үргээлгэх буюу засуулахад тохиромжгүй1 сар 15. 8:40Улаанбаатарт өдөртөө 15 хэм хүйтэн1 сар 15. 8:39УИХ-ын Сонгуулийн “газрын зураг”1 сар 13. 8:48Улсын Их Хурал өнгөрсөн долоо хоногт1 сар 13. 8:45ЗУРХАЙ: Үс шинээр үргээлгэх буюу засуулахад тохиромжгүй1 сар 13. 8:43Улаанбаатарт өдөртөө 16 хэм хүйтэн1 сар 13. 8:42Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төслийг эцсийн хэлэлцүүлэгт шилжүүлэв1 сар 10. 9:59"Энэ сард 1, 6-аар төгссөн тээврийн хэрэгслийн албан, агаар бохирдол болон авто зам ашигласны төлбөрийг төлөх журамтай"1 сар 10. 9:52У.Хүрэлсүх: УИХ-ын сонгуульд нэр дэвшигчдээс нэг ч төгрөгийн хандив авахгүй1 сар 9. 16:07Тэтгэврийн зээлгүй иргэдэд нэг сая төгрөгийн ваучер олгоно1 сар 9. 16:06Томуу, томуу төст өвчнөөс урьдчилан сэргийлэх ажлыг зохион байгуулахыг үүрэг болголоо1 сар 9. 10:41Хүн амын тооллого орон даяар эхэллээ1 сар 9. 9:31

Электрон тамхи хэрэглэсний улмаас нас барсан АНУ дахь иргэдийн тоо ес болов

/9-р сарын 26/  -  12 цаг 51 минут

Канзас мужийн нэгэн иргэн электрон тамхи хэрэглэснийхээ дараа нас барсан нь тус мужид хоёр, АНУ-ын хувьд ес дэх тохиолдол болов.

Тэрээр Канзас мужид амьдардаг, 50 гаруй настай эрэгтэй хүн байсан бөгөөд Амбан захирагч Лаура Кэллигийн мэдэгдсэнээр мужид нь гарсан электрон тамхитай холбоотой нас барсан хоёр дахь хэрэг аж. 

Нас барсан эрэгтэйн эрүүл мэндийн байдал хүнд байсан гэснээс өөр мэдээлэл одоогоор алга. Электрон тамхины чухам юу нь ийнхүү үхэлд хүргэж буйг тогтоохоор тус муж бусад мужийн  нийгмийн эрүүл мэндийн албаныхантай хамтран ажиллаж байгаа аж. 

Одоогоор АНУ-д электрон тамхитай холбоотой нас баралт Калифорн, Канзас мужид тус бүр хоёр, Иллинойс, Индиана, Миннесота, Миссури, Орегон мужид тус тус нэг тохиолдол гараад байна. Эдгээр хэргээс гадна тус улс дахь Өвчний хяналт, урьдчилан сэргийлэх төвүүдийн мэдээлснээр есдүгээр сарын 17-ны байдлаар электрон тамхитай холбоотой уушгины өвчлөл 570 бүртгэгдээд байна. 

Нас барсан тохиолдлуудын тухайд 17-67 насны хүмүүс байсан бөгөөд мужуудын мэдээлж буйгаар бүгд эмнэлэгт хүргэгдэж, тусламж авчээ. Тэд электрон тамхины төрлүүдийг хольж ашигладаг байж. Тухайлбал, зарим нь зөвхөн никотинтойг, зарим нь тетергидроканнабинол (THC-марихуан ургамалд агуулагддаг гол идэвхтэй бодис), канннабинойдтой бүтээгдэхүүн, эсвэл дээрх хоёроос гадна каннабидиол(CBD)-ийг хольж ашигласан гэж мэдэгдсэн аж. 

Канзас мужийн Эрүүл мэнд, байгаль орчны газрын нарийн бичгийн дарга, доктор Ли Норман Пүрэв гарагт болох АНУ-ын Эрчим хүч, худалдааны хяналтын хороо болон Мөрдөн байцаах дэд хорооны хурлаас өмнө электрон тамхины нөлөөний талаар мэдээлэл өгөх юм. "Электрон тамхи хяналтгүй. Тиймээс дотор нь чухам юу агуулагдаж байгааг нь бид мэдэхгүй гэсэн үг. Үүнээс бол өвчилж буй олон тохиолдол бүртгэгсээр байхад залуусын нэлээд хэсэг нь үүнийг ашиглаж байгаа нь миний хувьд ихээхэн анхаарал татаж байна” хэмээн тэрбээр хэлсэн. 

Хүмүүсийг өвчлөл болон үхэлж хүргэж буй шалтгааныг судалж байгаа энэ үед иргэдээ Өвчний хяналт, урьдчилан сэргийлэх төвийн зөвлөмжийг дагаж, элетрон тамхинаас аль болох хол байхыг Амбан захирагч Кэлли ятгаж байна. 

Өвдөж буй хүмүүст ихэнхдээ ханиалгах, амьсгал давчдах, дотор муухайрах, цээжээр өвдөх, зарим хүмүүст бөөлжих, хэвлийгээр өвдөх, халуурах зэрэг шинж тэмдэг илэрч байгаа тул өөрийгөө хянаж, эмчид хандахыг олон нийтэд зөвлөжээ. 

 

Эх сурвалж: CNN



АНХААРУУЛГА: Уншигчдын бичсэн сэтгэгдэлд royal.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

 Утас: 91917754, И-Мэйл: royalinfo@gmail.com

© 2018. All Rights Reserved. Вэб сайтыг DsSoft LLC